“Тетовирање“ – игран филм

Како основа за филмот послужи текстот на писателот Мирко Ковач, а неговата финална структура ја направија заеднички режисерот Столе Попов и белградскиот синеаст Живоин Павловиќ.

Режисерот Столе Попов во овој филм го остава настрана предложениот сценаристички преттекст и се обидува да направи посебна визуелна структура, каде што апсурдното ќе го најде својот изразен простор. Во „Тетовирање“, егзистенцијалните, односно судбинските проблеми и прашања, се судираат со проблемите на човековата вера, којашто не мора нужно да биде религиозен чин, и тие проблеми го доведуваат јунакот до една етичка конфронтација со себе, но и со другите.

Режисерската постапка на места е строго реалистичка, на места дури и со натуралистички навеви, но сите тие елементи само помагаат да се ослободи онаа вистинска драмска енергија што ова дело, без сомнение, ја содржи во голема мера. Целиот актерски ансамбл во сценско-актерска смисла, максимално се соживува со атмосферата на затворот. Овде ја истакнуваме, пред сè, брилијантната ролја на Мето Јовановски, кој всушност за цело време стои како стожерна актерска фигура на тој ансамбл. Потоа тука се и: Кирил Поп Христов, Данчо Чевревски, Светозар Цветковиќ, Стево Спасовски, Благоја Чоревски, Столе Аранѓеловиќ, Петар Арсовски, Јовица Михајловски, Лилјана Меѓеши, Заим Музаферија, Кирил Ристовски, Младен Крстевски, Александар Чамински, Шишман Ангеловски, Ванчо Петрушевски итн…
Снимателот на филмот Мишо Самоиловски успева да постигне максимална функционалност на секој кадар, а тоа истото важи и за сценографијата на Никола Лазаревски.

Краток Опис

Година на производство: 1991
Род: игран филм
Жанр: драма
Техника: стандард
Колор, со звук, 35 мм.
Должина: 3.580 мет.
Времетраење: 128 мин.
Производство: „Вардар филм“ – Скопје, Македонска Радио Телевизија
Режија: Столе Попов
Сценарио: Мирко Ковач
Соработници на сценариото: Живоин Павловиќ; Столе Попов
Директор на фотографија: Мишо Самоиловски
Снимател: Владимир Самоиловски
Монтажа: Вангел – Лаки Чемчев
Главни улоги: Мето Јовановски, Кирил Поп-Христов, Светозар Цветковиќ, Љиљана Меѓеши, Столе Аранѓеловиќ, Јовица Михајловски, Данчо Чевревски, Зоран Цвијановиќ, Александар Чамински
Музика: Љупчо Константинов
Сценографија: Владислав Лашиќ
Костимографија: Светлана Цвијановиќ
Тон: Јордан Јаневски
Светло: Петар Богоевски, Милосав Крстевски – Ага
Директор на филм: Панта Мижимаков

Награди

  • 1991 ФФ, Херцег Нови, Гранд При, Прва награда „Златна мимоза“ за режија на Столе Попов
  • 1991 ФФ, Ниш, Гранд При за улогата на Мето Јовановски
  • 1991 ФФ, Врњачка Бања, Втора награда за сценарио на Мирко Ковач
  • 1991 ФФ „Милтон Манаки“, Битола, Сребрена плакета „Милтон Манаки“ за снимателот Мишо Самоиловски
  • 1991 Филмско лице на годината за Мето Јовановски според ревијата „Екран“
  • 1991 Номинација за наградата Феликс , Европска Филмска Академија -најдобри 7 (награда соодветна на Американскиот „Оскар“
  • 1992 Macedonian candidate for Oscar Nomination
    * Американската филмска Академија не ја прифати кандидатурата бидејки Р. Македонија не беше членка на Обединети Нации.
  • 1993 Vienna, Farewell Yugoslavia – Viennale ‘93, Anthology of 33 films

Што рекле за филмот

„Во ТЕТОВИРАЊЕ, сместен во време на падот на комунизмот во Југославија, Попов користи затвор за да ја прикаже состојбата на општеството. Филмот го прикажува ‘беспрекорното’ функционирање на апсурдот на репресијата и насилството.“
Time, New York, USA
“Попов ја води оваа брутална приказна за социјална репресија, зло и садизам меѓу луѓето во за него карактеристичен стил. Во исто време, тој се докажува себеси како врвен мајстор за конфликти и насилство… Со овој филм Столе Попов цврсто се воспостави како еден од водечките филмски автори на Балканот.”
Jasmin Durakovic, Oslobodjenje, Sarajevo
„Едноставно зачудувачки е со каква природност и подготвеност, колку решително и неповратно, занесно и бескомпромисно, македонскиот филм им одговара на предизвиците на времето, на радикалните промени во животот на својата земја и на својот народ.
Вжештеноста на омразата и очајот, напросто ја распоруваат едноставната приказна на ТЕТОВИРАЊЕ, кој за македонската филмска уметност се покажа еднакво важен и суштествен.“
Miron Chernjenko, Moscow
„И подоцна, кога од независното жири на ТЕТОВИРАЊЕ му беше доделена Номинацијата за европски филм на годината, Грчката влада бараше
нејзино повлекување, преку член на Европската филмска академија – но Академијата не презеде ништо и филмот остана во трката без ограничување во акцентирањето на националниот идентитет. Резултат: македонскиот филм сега стана познат во светски рамки.“
Ronald Holloway, he Hollywood Reporter, USA

„Апокалиптичен пад во ТЕТОВИРАЊЕ на Столе Попов.
Атмосферата на уништување е драматично, апокалиптично и кинематографски прикажана во ТЕТОВИРАЊЕ… Изведба достојна за Оскар имаше Мето Јовановски, кој го играше главниот лик, Илко…“

Milan Vlajcic, Politika
Tattoo, Meto Jovanovski, Kiril Pop Hristov

Ron HOLLOWAY (1933-2009)

Tattoo, Meto Jovanovski, Kiril Pop Hristov

Рон ХОЛОВЕЈ (1933-2009) беше американски критичар, историчар на филм, режисер и дописник кој ја прифати Европа како свој дом во раните педесетти и голем дел од животот го помина во Берлин. Тој беше експерт за изучување на германското кино и со сопругата Доротеја, го водеа списанието Германски филм, одржувајќи нè во тек со работата на режисерите, продуцентите и писателите и прикажувањето на германските филмови ширум светот.
Во 2007 година, Рон Холовеј и неговата сопруга беа наградени со Берлинале награда за камера. Рон, исто така, ја доби Bundesverdienstkreuz (германски крст на заслуги), полски прстени, златен медал од Кан, награда на американската кино фондација, диплома за поддршка на руското кино и почесна награда од Германската асоцијација за критичари на филм.

Рон исто така беше ценет соработник на Кинема во последните петнаесет години.

„Исто толку драматични контроверзии на меѓународната фестивалска сцена во 1991 година беше и Тетоважата на Столе Попов, првиот долгометражен филм кој го носи знамето на новосоздадениот застој на Македонија. Приказната за кантеларна, но симпатична индивидуа која се наоѓа во затвор од апсурдни причини, а потоа умира жртва на полициска бруталност, Тетовирање прикажа уште еден извонреден актерски перформанс од Мето Јовановски како „губитник“ Илија и беше еден вид навремен социокритички филмски документ што допринесува за едно демократско општество. Сепак, кога филмот беше поканет на филмскиот фестивал во Монтреал, неговото присуство како официјален влез од Република Македонија предизвика протест од грчката заедница на градот без никој да го видел филмот. И подоцна, кога Тетовирање беше избрано од независно жири со Номинација за европески филм на годината, грчката влада побара негово повлекување од разгледување на наградите преку член на Европската филмска академија – но Академијата застана цврсто, а филмот остана во трката за наградите без да се спомне национален идентитет. Резултат: Македонското кино сега беше познато низ целиот свет! “

From Kino Magazine

Watch on Youtube

Oscar Nomination

Во 1992 г“Тетовирање” званично од југословенското жири беше номиниран за југословенски камдидат за Оскар но во месец октомври Република Македонија прогласи независност и по барање на г-н Попов кандидатурата беше променета со Македонска. Американската филмска Академија не ја прифати кандидатурата бидејки Р. Македонија не беше членка на Обединети Нации.

Your Content Goes Here

Photos from the film